لاہور: (ویب ڈیسک) نوجوان اداکار احمد علی اکبر نے کہا ہے کہ یمنیٰ زیدی کے ساتھ میری شادی کی افواہوں پر مجھے بُرا نہیں لگے گا۔
اداکار احمد علی اکبر نے حال ہی میں ایک نجی ٹی وی کے پروگرام میں شرکت کی۔
پروگرام کے میزبان نے سوال پوچھا کہ ہانیہ عامر، سجل علی اور یمنیٰ زیدی میں سے کون سی اداکارہ کے ساتھ آپ کی افواہیں پھیلیں تو آپ کو بُرا نہیں لگے گا جس پر احمد علی اکبر نے یمنیٰ زیدی کا نام لیا۔
احمد علی اکبر نے کہا کہ کئی لوگوں نے مجھے فون پر یمنیٰ زیدی سے شادی کی مبارک باد دی ہے جس پر میں نے انہیں کہا کہ شاید آپ بہت زیادہ یوٹیوب دیکھ رہے ہیں، پھر افواہیں زیادہ پھیلنے لگیں تو میں نے لوگوں کو بولنے دیا۔
اداکار نے کہا کہ یوٹیوبرز نے ڈراموں سے میری تصاویر لے کر شادی، ولیمہ اور مہندی کی تصاویر وائرل کردیں، اس کے علاوہ میرے بچے ہونے کی افواہیں بھی پھیلائی گئیں۔
میزبان کی جانب سے شادی کرنے کے سوال پر احمد علی اکبر نے کہا کہ ان کا آئندہ چار پانچ سالوں میں شادی کرنے کا ارادہ ہے۔
