لاہور: (ویب ڈیسک) پاکستانی شوبز انڈسٹری کی خوبرو اداکارہ سنبل اقبال نے کہا ہے کہ انہیں شادی کیلئے اچھے ہمسفر کی تلاش ہے۔
حال ہی میں سنبل اقبال نجی ٹی وی کی رمضان ٹرانسمیشن میں شریک ہوئیں جہاں انہوں نے کئی موضوعات پر گفتگو کرنے کے ساتھ ساتھ اپنی شادی سے متعلق بھی کھل کر بات کی۔
ہمسفرمیں پائی جانیوالی خصوصیات سے متعلق بات کرتے ہوئے سنبل اقبال کا کہنا تھا کہ میں شادی کرنا چاہتی ہوں اور شادی کیلئے ایک اچھے انسان کی تلاش میں ہوں، یہاں اچھے سے مراد شکل و صورت نہیں بلکہ اچھا کردار ہے۔
سنبل نے کہا کہ شادی کیلئے دو لوگوں کو دماغی طور پر مضبوط ہونا چاہیے کیوںکہ دونوں کو ایک ساتھ پوری زندگی گزارنی ہوتی ہے، شادی کرنے کے لیے پہلی چیز یہ ہونی چاہیے کہ وہ آپ کا ہمسفر ایک اچھا دوست ہو، دونوں کے خیالات ایک دوسرےسے ملتے ہوں۔
اداکارہ کا مزید کہنا تھا کہ اس کے بعد فیصلہ کرنا چاہیے کہ یہ میرے لیے اور میں اس کے لیے بہتر ہوں اور ہم ساتھ چل سکتے ہیں ورنہ نتیجہ بہت برا نکلتا ہے۔
