لاہور: (ویب ڈیسک) یوٹیوب کی جانب سے 2024 میں پاکستان کی ٹاپ ٹرینڈنگ ویڈیوز کی فہرست جاری کردی گئی ۔
یوٹیوب نے پاکستان میں 2024 کی سب سے زیادہ مقبول ہونے والی ویڈیوز کی فہرست جاری کی ہے،اس سال کی فہرست 3 کیٹگریز پر مشتمل ہے جن میں ٹاپ ٹرینڈنگ ویڈیوز، ٹاپ میوزک ویڈیوز اور ٹاپ کری ایٹرز شامل ہیں۔
2024 میں یوٹیوب کے استعمال میں نمایاں اضافہ دیکھنے میں آیا اور پاکستانی کری ایٹرز نے پہلے سے کہیں زیادہ کنٹنٹ اپ لوڈ کیا، گزشتہ سال مقامی کری ایٹرز کی جانب سے اپ لوڈ کیے جانے والے کنٹنٹ کے کل گھنٹوں میں 60 فیصد اضافہ ہوا۔
اس سال انٹرٹینمنٹ کا شعبہ سب سے آگے رہا جس میں ڈرامے اور ایکشن سے بھرپور فلمیں ٹاپ ٹرینڈنگ ویڈیوز کی فہرست میں سب سے اوپر ہیں، ٹاپ کری ایٹرزکی فہرست میں ایسے افراد شامل ہیں جو اپنی تخلیقی صلاحیتوں، صداقت اور جدت طرازی سے لاکھوں افراد کو متاثر کرتے رہتے ہیں۔
رجب کی فیملی، انایا ایشال فیملی، ارشد ریلز اور ڈاکٹر امتیاز احمد جیسے چینلز یوٹیوب پر مختلف آوازوں کو پیش کرتے ہیں جو روزانہ فیملی بلاگنگ سے لے کر لائف اسٹائل، ہیلتھ کیئر اور تعلیمی مواد تک ہر چیز کا احاطہ کرتے ہیں جن کی فہرست درج ذیل ہے۔
فہرست میں رجب کی فیملی صف اول پر ہیں ان کے بعد دوسرے نمبر پر انا یا ایشال فیملی ،تیسرے نمبر پر ارشد ریلز ،چوتھے نمبر پر یوآرکی کرسٹیانو،پانچویں نمبر پر ڈکی بھائی ہیں، اسی طرح فہرست میں چھٹے نمبر پر سسٹرولوجی ،ساتویں نمبر پرچھوٹاعلی وی لاگ،آٹھویں نمبر پر ڈاکٹر امتیاز احمد ،نویں نمبر پر شیراز وی لاگ اور آخری نمبر فاطمہ فیصل براجمان ہیں۔
