ممبئی: (ویب ڈیسک) گزشتہ برس شادی کے بندھن میں بندھنے والے کیارا اور سدھارتھ نے اپنی زندگی کی سب سے بڑی خوشی سے مداحوں کو آگاہ کردیا۔
بھارتی فلم انڈسٹری کے سٹارز اب ماں اور باپ بننے والے ہیں جس کا اعلان انہوں نے سوشل میڈیا پلیٹ فارم انسٹا گرام پوسٹ میں کیا۔
کیارا اور سدھارتھ نے بچے کے جوتوں کی تصویر شیئر کرتے ہوئے لکھا کہ ہماری زندگی کا سب سے بڑا تحفہ جلد آ رہا ہے، اس پوسٹ پر جوڑے کو چاہنے والے مداحوں کی جانب سے مبارک بادوں، نیک تمناؤں اور دعاؤں کا تانتا بندھ گیا۔
یاد رہے کہ کیارا اور سدھارتھ ملہوترا کی شادی گزشتہ برس 7 فروری کو ہوئی تھی اور اس ماہ ہی جوڑے نے شادی کی پہلی سالگرہ منائی، مقامی ثقافت، روایت اور رسموں سے سجی کیارا اور سدھارتھ کی شادی بالی ووڈ کی چند یادگار شادیوں میں سے ایک تھی۔
