خلاصہ
- لاہور: (ویب ڈیسک) وفاقی وزیر برائے انسانی حقوق شیریں مزاری کا کہنا ہے کہ صحافیوں کے خلاف وفاقی تحقیقاتی ادارے (ایف آئی اے) نے مقدمات درج نہیں کیے اور اس حوالے سے خبر درست نہیں۔
انسانی حقوق کمیشن پاکستان کی ٹویٹ کو شیئر کرتے ہوئے وفاقی وزیر برائے انسانی حقوق کی وزیر نے لکھا کہ یہ مضطرب کر دینے والی خبر تھی اور میں نے معلوم کیا تو پتا چلا کہ یہ درست نہیں۔
This was disturbing news so I checked & my info is it s incorrect. A private citizen has sent complaint to FIA against around 12 journalists. FIA examines all complaints but NO FIR has been registered & FIA can t register FIR under PECA without following specified legal procedure pic.twitter.com/oS7lJUo6Lm
— Shireen Mazari (@ShireenMazari1) September 25, 2020
شیریں مزاری نے لکھا کہ ایک شہری کی جانب سے ایف آئی اے کو 12 صحافیوں کے خلاف شکایت بھیجی گئی تھی۔ ایف آئی اے نے تمام شکایات کو پرکھا لیکن کوئی مقدمہ درج نہیں کیا اور ایف آئی اے قانونی طریقہ کار اختیار کیے بغیر الیکٹرانک جرائم کے انسداد کے قانون کے تحت کوئی مقدمہ درج نہیں کر سکتا۔
