خلاصہ
- اسلام آباد: (دنیا نیوز) پاکستان نے آرمینیا کے وزیراعظم کے جھوٹے الزامات کو یکسر مسترد کردیا ہے جس میں جاری تنازعے میں پاکستان کی خصوصی فورسز پر آذربائیجان کی فوج کا ساتھ دینے کا الزام عائد کیا گیا ہے۔
دفتر خارجہ کے ترجمان زاہد حفیظ چوہدری نے ایک بیان میں کہا کہ آذربائیجان کے صدر الہام علیوف نے اس معاملے پر بھی اپنا موقف واضح کیا ہے کہ آذربائیجان کی افواج اپنے وطن کے دفاع کیلئے کافی ہیں اور انہیں غیر ملکی افواج کی مدد درکار نہیں۔
انہوں نے کہا کہ یہ امر افسوسناک ہے کہ آرمینیا کی قیادت آذربائیجان کے خلاف اپنے غیر قانونی اقدامات پر پردہ ڈالنے کے لئے جھوٹ اور جعلی پراپیگنڈہ کر رہی ہے جسے روکا جانا چاہئے۔
Pakistan rejects baseless Armenian statement https://t.co/tQ4Juoe5vI @ForeignOfficePk pic.twitter.com/0F0nHxBg8g
— Radio Pakistan (@RadioPakistan) October 17, 2020
ترجمان نے کہا کہ پاکستان سمجھتا ہے کہ دونوں ممالک کے درمیان طویل المعیاد امن اور معمول کے تعلقات کی بحالی کا انحصار اقوام متحدہ کی سلامتی کونسل کی قراردادوں پر مکمل عملدرآمد اور آذربائیجان کی علاقائی حدود سے آرمینیا کی فوج کے انخلاء پر ہے۔
اس سے قبل اسلام آباد میں آذر بائیجان کے سفیر علی علیزادے نے سماجی رابطے کی ویب سائٹ ٹویٹر پر اپنے بیان میں لکھا کہ آرمینیا کے وزیراعظم پاکستان اور ترکی سے متعلق جھوٹے اور بے بنیاد الزام لگا رہے ہیں۔
Yet another Armenian lie,false&baseless statement by #Pashinyan,PM of #Armenia on participation of Pak&Turkey in combat operations.
— Ali Alizada (@Ali_F_Alizada) October 16, 2020
Despite numerous denials Armenia continues its lies in order to to involve other parties to the hostilities.#StopArmenianLies#DontBelieveArmenia pic.twitter.com/CDsXgFTEmg
انہوں نے مزید لکھا کہ آرمینیا جھوٹے پراپیگنڈے کے ذریعے دیگر ممالک کو تنازع میں گھسیٹ رہا ہے۔
