لاہور:(دنیا نیوز) امریکہ میں پاکستان کے سابق سفیر اسد مجید نے اپنے نام سے چلنے والے دوسرے ٹویٹر اکاؤنٹس کو جعلی قرار دے دیا ہے۔
خیال رہے کہ قومی سلامتی کمیٹی کے گزشتہ روز اجلاس کے اعلامیہ کے مطابق اجلاس میں واشنگٹن سے پاکستانی سفارتخانے کے مراسلے کا جائزہ لیا گیا، امریکہ میں پاکستان کے سابق سفیر اسد مجید نے اجلاس میں شرکت کی، اسد مجید نے اجلاس کو ٹیلی گرام کے مواد اور پس منظر پر بریفنگ دی تھی۔
سماجی رابطے کی ویب سائٹ ٹویٹر پر پیغام جاری کرتے ہوئے اسد مجید نے لکھا کہ سب کے لیے یہ جاننا ضروری ہے کہ یہ میرا واحد ٹوئٹر اکاؤنٹ ہے اور یہ تصدیق شدہ (ویریفائیڈ) ہے۔
Important for all to know that this is my only Twitter account - a verified one. Anything being tweeted from any other account in my name is fake.
— Asad M. Khan (@asadmk17) April 23, 2022
انہوں نے لکھا کہ میرے نام سے کسی دوسرے اکاؤنٹ سے جو بھی ٹویٹ کئے جارہے ہیں وہ جعلی ہے۔
واضح رہے کہ اسد مجید کے نام سے مختلف ٹویٹر اکاؤنٹ سامنے آئے تھے جن سے ٹویٹ کی جارہی تھی اور ان کو ان کے نام سے منسوب کیا جارہا تھا۔
