لاہور: ( ویب ڈیسک ) وزیراعظم شہباز شریف کو چارج شیٹ پڑھ کر سنائی جانے والی سوشل میڈیا پر وائرل ویڈیو جعلی نکلی۔
خیال رہے کہ سوشل میڈیا پر شہباز شریف کی ویڈیو وائرل ہورہی ہے جس میں دعویٰ کیا گیا ہے کہ ان کو ڈیلی میل کے مقدمے میں چارج شیٹ پڑھ کر سنائی جارہی ہے۔
اس ویڈیو کے بعد پاکستان مسلم لیگ (ن) کی جانب سے سماجی رابطے کی ویب سائٹ ٹوئٹر پر وضاحت کی گئی اور ویڈیو کو جعلی قرار دیا گیا۔
#گھڑی_چور کا پراپیگنڈہ سیل ہمیشہ کی طرح جھوٹ پھیلانے میں مصروف ہے۔ یہ وڈیو کسی کورٹ روم کی نہیں بلکہ شہباز شریف کی طرف سے کی گئی جنوری 2020 کی پریس کانفرنس کی ہے۔
— PML(N) (@pmln_org) November 18, 2022
تحریک انصاف جس کا جھوٹا پروپیگینڈا تو پکڑا گیا ہے، اب یہ بتائے کہ عمران خان نے #ڈھائی_ارب_کی_گھڑی کیوں چوری کی؟ pic.twitter.com/whT67ezjTC
ن لیگ کے ٹوئٹر ہینڈل پر پیغام میں لکھا گیا کہ گھڑی چور کا پراپیگنڈا سیل ہمیشہ کی طرح جھوٹ پھیلانے میں مصروف ہے، یہ وڈیو کسی کورٹ روم کی نہیں بلکہ شہباز شریف کی طرف سے کی گئی جنوری 2020 کی پریس کانفرنس کی ہے۔
ٹوئٹ میں مزید لکھا گیا کہ تحریک انصاف جس کا جھوٹا پروپیگینڈا تو پکڑا گیا ہے، اب یہ بتائے کہ عمران خان نے ڈھائی ارب کی گھڑی کیوں چوری کی؟۔
