دبئی :(ویب ڈیسک ) قومی ٹیم کے عبوری ہیڈکوچ ریڈ بال کرکٹ ٹیم اظہر محمود نے ایشیا کپ ٹی20 کے سپر فور مرحلے میں بھارت سے اہم میچ کے موقع پر بابر اعظم کے دبئی جانے کی خبروں کی تردید کر دی ہے۔
خیال رہےکہ ٹی 20 انٹرنیشنل کی تاریخ میں دوسرے نمبر پر سب سے زیادہ رنز بنانے والے بابراعظم گزشتہ سال دسمبر میں جنوبی افریقاکے خلاف تین میچوں کی سیریز کے بعد سے ٹی 20 سکواڈ میں شامل نہیں۔
ایشیا کپ میں سپرفور مرحلےکے موقع پر سوشل میڈیا پر بابر کے دبئی جانے اور پاکستانی سکواڈ میں شامل ہونےکی خبریں گردش کر رہی تھیں۔
— Azhar Mahmood (@AzharMahmood11) September 21, 2025
اس موقع پر ہیڈکوچ ریڈ بال اظہر محمود نے بابر اعظم کے ساتھ تصویر سوشل میڈیا پر پوسٹ کی جس میں دکھایا گیا کہ وہ گالف کورس میں موجود ہیں۔
اظہر محمود نے ان خبروں کی تردید کی کہ بابر اعظم دبئی جا چکے ہیں اور کہا کہ بریکنگ نیوز میں بابر اعظم کو دبئی میں دیکھا گیاہے، بابراعظم نے تو لاہور کے خوبصورت گالف کورس پر میرے ساتھ گالف کھیلی ہے۔
