لاہور: (دنیا نیوز)وزیراعلیٰ پنجاب مریم نواز کی کاوشوں سے برسوں پرانے مراکز صحت کی حالت اور عوام کی تقدیر بدل گئی۔
پنجاب کے دوردراز کے 750 مراکز صحت یورپی ممالک کے کلینک کامنظر پیش کرنے لگے، سٹیٹ آف آرٹ مریم نواز ہیلتھ کلینک کا انتظام بھی ینگ ڈاکٹرز کے سپردِ کردیا گیا۔
پنجاب حکومت کی کاوشوں سے بنیادی مراکز صحت کی ریکارڈ مدت میں تعمیرات مکمل ہو گئیں،بنیادی مراکز صحت کی بیرونی شکل بھی تبدیل ہوگئی،خستہ حال دروازے،ٹوٹا پھوٹا فرنیچر اور بوسیدہ عمارتیں جدید ترین ’’مریم نوازشریف ہیلتھ کلینک‘‘ میں بدل گئیں ۔
نیا فرنیچر اورجدید ترین طبی آلات اور سٹریچر سٹیٹ آف دی آرٹ مریم نوازہیلتھ کلینک کا حصہ ہیں، چمچماتے فرش،صاف ستھرے کمرے اوروارڈ،نئے واش روم مریم نواز شریف ہیلتھ کلینک کی زینت بن گئے، ہرمرکز صحت میں صاف ستھری،نئی خوبصورت الماریاں،جدیدایل ای ڈی لائٹ اور نیم پلیٹس لگائی گئی ہیں۔
سرگودھا کے علاقے پھلرواں کا بوسیدہ حال مرکز صحت تعمیرو بحالی کے بعد بالکل بدل گیا، ملتان کے نواحی علاقے قاسم بیلہ میں مرکز صحت کی تعمیرو مرمت مکمل ہونے پر مریض نے حکومت کیساتھ اظہار تشکر کیا، وہاڑی کے نواحی گاؤں 87ڈبلیو بی کے رورل ہیلتھ سینٹر میں بھی شاندار کلینک قائم کردیا گیا۔
اس کے علاوہ ضلع اٹک کے علاقے باہترکا آرایچ سی بھی شاندار کلینک میں تبدیل ہوگیا، ضلع گجرات اورسیالکوٹ کے مراکز صحت کو مریم نواز ہیلتھ کلینک کی صورت میں دیکھ کر عوام کی جانب سے خوشی کا اظہار کیا گیا ،بھکر کے علاقے ڈگررہتاس کے مراکز صحت کی اندورنی اوربیرونی شکل تبدیل ہوگئی۔
