ابوظہبی: (ویب ڈیسک) متحدہ عرب امارات (یو اے ای) نے موت کے خطرے کو کم کرنے کیلئے دل کے علاج کیلئے نئی دوا کی منظوری دے دی۔
ایمریٹس ڈرگ اسٹیبلشمنٹ (EDE) نے اعلان کیا کہ اس نے دل کی خرابی کیلئے ایک نئی دوا Inpefa® (sotagliflozin) کی اجازت دے دی ہے، جس سے UAE اس تھراپی کی منظوری دینے والا دنیا بھر میں دوسرا ملک بن گیا ہے۔
Inpefa® (sotagliflozin) پہلا ڈیول (دہری) SGLT1 اور SGLT2 روکنے والا ہے جسے دل کی ناکامی کے علاج کیلئے منظور کیا گیا ہے۔
یہ اورل میڈیسن ہے جو دل اور گردے کی صحت کو سپورٹ کرتے ہوئے خون میں گلوکوز کی سطح کو منظم کرنے میں مدد کرتی ہے۔
ای ڈی ای نے بتایا کہ اس علاج کو دل کی بیماریوں سے موت کے خطرے کو کم کرنے، دل کی ناکامی کی وجہ سے ہسپتال میں داخلے کو کم کرنے اور دل کی ناکامی، ٹائپ 2 ذیابیطس، گردے کی دائمی بیماری، یا دیگر قلبی خطرے والے عوامل کے ساتھ بالغوں میں اس حالت سے منسلک فوری طبی دوروں کو کم کرنے کیلئے منظور کیا گیا ہے۔
