صوبائی وزیر نے زیر علاج مریضوں اور ان کے لواحقین سے طبی سہولیات کی فراہمی سے متعلق براہ راست معلومات حاصل کیں۔

خواجہ عمران نذیر نے تحصیل ہیڈکوارٹر ہسپتال کے لیے مزید 10 ڈاکٹرز کی تعیناتی اور جلد سی ٹی سکین مشین فراہم کرنے کا اعلان کیا۔

انہوں نے سویپرز اور سکیورٹی گارڈز کو تین روز میں تنخواہیں دلانے کی یقین دہانی کرائی جبکہ خانیوال میں رواں سال کیتھ لیب قائم کرنے کا بھی اعلان کیا۔

صوبائی وزیر صحت نے کہا کہ وزیراعلیٰ پنجاب دور دراز علاقوں میں صحت کی بہترین سہولیات فراہم کر رہی ہیں، سروس ڈیلیوری میں غفلت کسی صورت برداشت نہیں کی جائے گی۔

خواجہ عمران نذیر نے آر ایچ سی تلمبہ کا بھی دورہ کیا اور مریضوں کے رش کے پیش نظر ہسپتال کی اپ گریڈیشن کا اعلان کیا۔