صحت
خلاصہ
- کراچی: (دنیا نیوز) ایف آئی اے کارپوریٹ کرائم سرکل کراچی اور ڈریپ نے مشترکہ کارروائی کرتے ہوئے ڈیفنس فیز 7 اور کلفٹن میں دو میڈیکل سٹورز پر چھاپے مارے۔
کارروائی کے دوران غیر رجسٹرڈ اور غیر قانونی ادویات کی بڑی کھیپ برآمد کر لی گئی، مختلف بین الاقوامی برانڈز کی غیر رجسٹرڈ ادویات بھی برآمد ہوئی ہیں۔
ایف آئی اے کے مطابق برآمد شدہ ادویات کی مالیت تقریباً 80 لاکھ روپے بتائی گئی ہے، کارروائی کے دوران مالک سمیت دو افراد کو گرفتار کر لیا گیا۔
ایف آئی اے نے برآمد شدہ ادویات کو قبضے میں لے کر مزید کارروائی شروع کر دی ہے۔
