طیارے نے سیلابی صورتحال کی مانیٹرنگ کیلئے میانوالی ایئربیس سے اڑان بھری ، فنی خرابی کے باعث حادثے سے دوچار ہوا
میانوالی (دنیا نیوز ) ہیڈ پکا کے قریب پاک فضائیہ کا بغیر پائلٹ طیارہ گر کر تباہ ہو گیا ، طیارہ ویران جگہ پر گرنے سے جانی نقصان نہیں ہوا ۔ حکام کے مطابق بغیر پائلٹ طیارے نے علاقے میں سیلابی صورتحال کی مانیٹرنگ کے لیے میانوالی ائر بیس سے اڑان بھری ، فنی خرابی کے باعث گر کر تباہ ہو گیا ۔ حادثے کی اطلاع ملتے ہی ریسکیو ٹیمیں موقع پر پہنچ گئیں اور طیارے کے ملبے کو اکٹھا کرکے تحقیقات کا آغاز کردیا ۔
