اسلام آباد: (دنیا نیوز) عمران خان نے آئندہ عام انتخابات کا پلان بتاتے ہوئے کہا کہ امیدواروں کو ٹکٹ دیکھ بھال کر میرٹ پر دیئے جائیں گے، کہتے ہیں کارکن بے فکر رہیں، ٹکٹوں کا فیصلہ وہ خود کریںگے۔

چیئرمین تحریک انصاف عمران خان نے بنی گالہ میں اپنی رہائشگاہ کے باہر کارکنوں کو یقین دلایا کہ کے پی میں کوئی بھی کرپشن کرنے والا بچ نہیں پائے گا۔ کرک سے آئے کارکن عمران خان کو اپنے درمیان پا کر بیحد خوش ہوئے۔ پی ٹی آئی کپتان نے ایک ننھے کھلاڑی کے ساتھ سیلفی بھی بنوائی۔