شمالی کیلیفورنیا کے ہائی وے پر دوڑنے والے گھوڑوں نے کار سواروں کو حیران کردیا۔
لاہور(روزنامہ دنیا) شمالی کیلیفورنیا کے ہائی وے پر دوڑنے والے گھوڑوں نے کار سواروں کو حیران کردیا۔ہائی وے پر گاڑیوں کی قطار لگی ہوئی تھی کہ سفید اور بھورے رنگ کے 2 گھوڑے مخالف سمت سے دوڑتے ہوئے آئے اور گاڑیوں کے پاس سے گزر گئے۔کار میں سوار شہریوں نے اس منظر کو حیرانی سے دیکھا اور کیمرے میں قید بھی کیا، حکام کے مطابق گھوڑے باڑ توڑ کر اس جانب چلے آئے تھے۔یہ ویڈیوآج کل سوشل میڈیا پر وائرل ہوچکی ہے جسے اب تک ہزاروں افراد لائیک اور شیئر کرچکے ہیں۔
