پاکستان الیکٹرانک میڈیا ریگولیٹری اتھارٹی نے فوج کیخلاف نفرت انگیز مواد کی اشاعت کیخلاف نجی چینل اے آر وائی نیوز کو نوٹس جاری کر دیا ہے۔
اسلام آباد: (ویب ڈیسک) پاکستان الیکٹرانک میڈیا ریگولیٹری اتھارٹی (پیمرا) نے افواج پاکستان کیخلاف ہرزہ سرائی اور نفرت انگیز تبصرے پر اے آر وائی نیوز چینل کو اظہار وجوہ کے نوٹسز جاری کرتے ہوئے سات یوم کے اندر جواب داخل کروانے کا حکم دیا ہے۔
اے آر وائی نیوز کے پروگراموں میں افواجِ پاکستان کے خلاف ہرزہ سرائی اور نفرت انگیز تبصرے؛ٹی وی چینل کو اظہارِ وجوہ کے نوٹسز جاری pic.twitter.com/UYARmfCpnB
— Report PEMRA (@reportpemra) May 25, 2017
پیمرا کی جانب سے جاری نوٹسز میں کہا گیا ہے کہ نجی نیوز چینل پر لازمی ہے کہ وہ ملکی آئین، قانون اور ریگولیٹر کی طرف سے دیے گئے ضابطہ اخلاق پر مکمل عملدرآمد کرے اور کوئی ایسا اقدام نہ اٹھائے جو ملکی اداروں کی تضحیک یا آئین پاکستان اور پیمرا قوانین کی خلاف ورزی کے زمرے میں آتا ہو۔
