اسلام آباد: (دنیا نیوز) عائشہ گلالئی نے کہا ہے کہ عمران خان کو ریحام کی کتاب سے بے نقاب ہونے کا ڈر ہے۔ عمران خان آرٹیکل 62 اور 63 پر پورا نہیں اترتے، اپنے کردار کی وجہ سے عالمی سطح پر پہچانے جاتے ہیں۔
الیکشن کمیشن کے باہر میڈیا سے گفتگو کرتے ہوئے عائشہ گلالئی نے کہا کہ عمران خان ریحام کے خلاف مافیا کو سپانسر کر رہے ہیں اور تین بچوں کی ماں ریحام خان اکیلی مافیا کا مقابلہ کر رہی ہے، پاکستانی خواتین ریحام خان کی مدد کریں۔
عائشہ گلالئی نے کہا کہ عمران خان جیسے کردار کا مالک شخص حکومت نہیں چلا سکتا، وہ اخلاقی زوال کا شکار ہیں۔
