لاہور: (دنیا نیوز) مریم نواز کا کہنا ہے نواز شریف کیلئے یہ سب کچھ نیا نہیں، ن لیگ کے شیرو یاد رکھنا! فیصلہ جو بھی آئے گھبرانا نہیں، نواز شریف پہلے بھی نااہلی، عمرقید، جلا وطنی بھگت چکے ہیں۔
ٹویٹر پیغام میں مریم نواز کا کہنا تھا نواز شریف نےسب جانتے ہوئے یہ مشکل راستہ چنا، انہیں معلوم تھا اس راستے کی بھاری قیمت چکانا پڑے گی، خوشی کی بات ہے کوئی لیڈر آپ کی خاطر ڈٹ کر کھڑا ہے۔ انہوں نے کہا
مسلم لیگ ن کے شیرو یاد رکھنا!فیصلہ جوبھی آئے گھبرانا نہیں!آپکے نواز شریف کے لیے یہ سب نیا نہیں۔وہ پہلےبھی نااہلی عمر قیدجیل جلاوطنی بھگت چکے
— Maryam Nawaz Sharif (@MaryamNSharif) July 6, 2018
خوشی کی بات یہ ہے کہ کوئی لیڈر ہے جو آپ کی خاطر،وطن عزیز کی خاطر، آپ کے ووٹ کی عزت کی خاطر ڈٹ کر کھڑا ہے اور کوئی بھی قربانی دینے کو تیار ہے
— Maryam Nawaz Sharif (@MaryamNSharif) July 6, 2018
اس نے جانتے ہوئے کہ یہ راستہ آسان نہیں اور اس کی قیمت چکانی پڑے گی، یہی راستہ چنا،بھاری قیمت چکائی ۔
— Maryam Nawaz Sharif (@MaryamNSharif) July 6, 2018
یاد رہے گزشتہ روز لندن میں میڈیا سے گفتگو کرتے ہوئے مریم نواز کا کہنا تھا جیل جانے کے لیے تیار ہوں، جب ایسے کام کا جھنڈا اٹھا لیا جو 70 سال میں کسی نے نہیں کیا تو ڈرنا کیا ؟ آخری گیند تک مقابلہ کرنا چاہیئے اور ہم کریں گے۔
