اسلام آباد: (دنیا نیوز) وزیرِاعظم عمران خان سے پاک فوج کے سربراہ جنرل قمر جاوید باجوہ نے اہم ملاقات کی ہے جس میں ملک کی مجموعی صورتحال پر اہم گفتگو کی گئی۔
وفاقی وزیرِ اطلاعات ونشریات فواد چودھری نے سماجی رابطوں کی ویب سائٹ ٹویٹر پر جاری اپنے پیغام کے ذریعے ملک کی اعلیٰ عسکری اور سیاسی قیادت کے درمیان ہونے والی ملاقات کے بارے میں قوم کو آگاہ کیا۔
وزیر اعظم عمران خان اور آرمی چیف جنرل قمر باجوہ کی ملاقات، ملک کی عمومی صورتحال اور اہم امور پر گفتگو۔۔۔ پاکستان کے امن،سلامتی اور تحفظ کیلئے تمام قوم متحد ہے۔
— Ch Fawad Hussain (@fawadchaudhry) October 31, 2018
اپنی ٹویٹ میں فواد چودھری نے لکھا کہ وزیراعظم عمران خان اور آرمی چیف جنرل قمر جاوید باجوہ نے ملاقات کی ہے جس میں ملک کی مجموعی صورتحال اور اہم امور پر گفتگو کی گئی، فواد چودھری نے لکھا کہ پاکستان کے امن، سلامتی اور تحفظ کیلئے ساری قوم متحد ہے۔
