تازہ ترین
  • بریکنگ :- اقتدارآنی جانی چیزہےہمیشہ کسی کے پاس نہیں رہتا،خواجہ آصف
  • بریکنگ :- اقتدار کی محرومی نے عمران خان کو پاگل کردیا ہے،وزیردفاع خواجہ آصف
  • بریکنگ :- اختلاف کرنا حق مگر اداروں پرحملہ کرناملک دشمنی ہے،خواجہ آصف
  • بریکنگ :- پاک فوج کوٹارگٹ کرکےعمران خان اورحواری ملک دشمن ایجنڈےپرکام کررہےہیں،خواجہ آصف

آئی ایم ایف گیس مہنگی کرنے کیلئے دباؤ ڈال رہا ہے، وزیر پٹرولیم

Last Updated On 15 February,2019 05:36 pm

اسلام آباد: (دنیا نیوز) وفاقی وزیر پٹرولیم غلام سرور خان نے کہا ہے کہ حکومت نے گیس بلوں کے نئے سلیب پر نظر ثانی کا فیصلہ کیا ہے۔ سعودی عرب پٹرولیم سیکٹر میں دس ارب ڈالر سے زائد سرمایہ کاری کرے گا، آئی ایم ایف گیس مہنگی کرنے کیلئے دباؤ ڈال رہا ہے۔

 

گیس کے بھاری بلوں پر عوام کی دہائی کا اثر، حکومت گیس کے نئے سلیب واپس لینے پر آمادہ، سعودی ولی عہد کے دورہ کے دوران پٹرولیم سیکٹر میں دس معاہدوں کا امکان، تیل اور گیس کے شعبہ میں دس ارب ڈالر سے زائد سعودی سرمایہ کاری متوقع ہے۔

وفاقی وزیر پٹرولیم نے غیر رسمی گفتگو میں بتایا کہ گیس بلوں میں حالیہ اضافہ کی انکوائری کر رہے ہیں، گیس ٹیرف کے سلیب پر نظر ثانی کریں گے۔ آئی ایم ایف گیس کی قیمت میں جنوری سے اضافہ کرنے کیلئے دباؤ ڈال رہا ہے۔

سعودی ولی عہد کے دورہ کے حوالے سے غلام سرورخان کا کہنا تھا کہ گوادر ریفائینری اور پیٹرو کیمیکل کمپلیکس سمیت دس معاہدوں پر دستخط ہوں گے۔

سعودی عرب ایل این جی سیکٹر اور گیس سٹوریج کی صلاحیت بڑھانے کے لئے تکنیکی اور مالی تعاون بھی کرے گا۔ گوادر ریفائنری سے دو سے تین لاکھ بیرل یومیہ پیداوار ہوگی، اس سے تیل کی درآمد میں سالانہ 1.2 ارب روپے کی بچت ہوگی۔