لاہور: (دنیا نیوز) نواز شریف کل افطاری کے بعد قافلے کی صورت میں جیل جائیں گے، کوٹ لکھپت جیل جانے کیلئے روٹ بھی طے کرلیا گیا۔ جاتی امراء، اڈا پلاٹ، رنگ روڈ سے کوٹ لکھپت جیل پہنچیں گے، نواز شریف روانگی سے قبل والد، اہلیہ اور بھائی کی قبر پر حاضری دیں گے۔
مسلم ليگ ن کا سيکرٹريٹ ماڈل ٹاؤن ميں آج مشاورتی اجلاس ہوگا۔ اپوزيشن ليڈر پنجاب اسمبلی حمزہ شہباز شريف اجلاس کی صدارت کرينگے، نواز شريف سے اظہار یکجہتی کے لئے مختلف مقامات پر 10 کيمپ لگائے جائیں گے، پٹرول کی قيمتوں ميں اضافے کے خلاف شہر بھر ميں بينرز آويزاں کرنيکا بھی فيصلہ کیا گیا ہے۔
ادھر سابق وزیراعظم نواز شریف نے اپنی قانونی ماہرین کی ٹیم کو جاتی امراء طلب کر لیا۔ ذرائع کے مطابق خواجہ حارث اور دیگر قانونی مشیران نواز شریف کے ساتھ اہم مشاورت کریں گے جس میں نواز شریف کی دوبارہ ضمانت پر رہائی کے حوالے سے درخواست دائر کرنے کا فیصلہ بھی شامل ہے۔ ذرائع کے مطابق اس ملاقات میں مریم نواز بھی شریک ہوں گی۔
دوسری جانب نواز شریف کے ذاتی معالج ڈاکٹر عدنان نے انکا جاتی امراء میں طبی معائنہ بھی کیا۔
