لاہور: (دنیا نیوز) قومی احتساب بیورو (نیب) نے مسلم لیگ ن کے رہنماؤں مریم نواز، حمزہ شہباز اور یوسف عباس کے مزید جسمانی ریمانڈ کی درخواست دینے کا فیصلہ کر لیا ہے۔
ذرائع کے مطابق پراسکیوٹر نیب حافظ اسد اللہ اعوان ملزمان کے جسمانی ریمانڈ میں توسیع کی درخواست کریں گے۔ مریم نواز، حمزہ شہباز اور یوسف عباس کو بدھ کو احتساب عدالت میں جسمانی ریمانڈ ختم ہونے پر پیش کیا جائے گا۔
پراسکیوٹر نیب مریم نواز، حمزہ شہباز اور یوسف عباس کے جسمانی ریمانڈ میں 15 روز توسیع کی درخواست کریں گے۔ ذرائع کا کہنا ہے کہ تینوں تفتیش میں تعاون نہیں کر رہے۔ مریم نواز کسی سوال کا جواب نہیں دیتیں جبکہ حمزہ شہباز نے بھی تفتیشی ٹیم سے تعاون نہیں کیا۔
