کوہستان: (دنیا نیوز) خیبرپختونخوا کے علاقے کوہستان کی تحصیل کندیا میں لکڑی کا پل ٹوٹ جانے سے حادثے میں 24 افراد کی ہلاکت کی تصدیق ہو گئی ہے۔
دنیا نیوز کے مطابق 24 افراد کی ہلاکت کی تصدیق کے بعد وزیراعلیٰ محمود خان متاثرہ خاندان سے تعزیت کرنے کے لیے کل کوہستان جائیں گے، وزیراعلیٰ نے قیمتوں جانے کے ضیاع پر افسوس اور غم کا اظہار کیا ہے۔
صوبائی وزیر اطلاعات شوکت یوسفزئی نے حادثہ میں 24 افراد کے جاں بحق ہونے کی تصدیق کی۔ وزیر اعلی محمود خان جائے حادثہ کا معائنہ کرنے اور متاثرین سے ملنے کل خود کوہستان جائیں گے۔
ذرائع کے مطابق آٹھ لاشیں نکال لی گئی ہیں، سولہ کی تلاش کا کام جاری ہے جبکہ آٹھ افراد زندہ بچ گئے۔ جائے وقوعہ پر امدادی کارروائیاں تاحال جاری ہیں۔
