اسلام آباد: (دنیا نیوز) وزیراعظم عمران خان کاکہنا ہے کہ عالمی برادری مودی کے مظالم اور نسل پرستی کو روکنے کے لئے اقدامات کرے۔ نئی دہلی میں مسلمانوں کا منظم قتل عام نازی جرمنی کے مظالم طرزعمل پر جاری ہے۔
سماجی رابطے کی ویب سائٹ ٹویٹر پر ٹویٹ کرتے ہوئے وزیراعظم کا کہنا تھا کہ بھارتی دارالحکومت نئی دہلی سے تصاویر آ رہی ہیں جہاں پر مسلمانوں کے گھروں اور دکانوں سمیت دیگر بزنس کو جلایا جا رہا ہے۔
ٹویٹر پر ٹویٹ کرتے ہوئے انہوں نے مزید لکھا کہ مسلمانوں پر بدترین تشدد اور انہیں ہلاک کیا جا رہا ہے، قبرستانوں کو جلایا جا رہا ہے، یہ بالکل ایسی ہی کارروائیاں ہیں جو جرمن نازی یہودیوں کیخلاف کیا کرتے تھے۔
عمران خان کا کہنا تھا کہ عالمی برادری بھارتی وزیراعظم نریندرا مودی کے مظالم اور نسل پرستی کو روکنے کے لئے اقدامات کرے۔
Images coming out of Muslim homes & businesses being burnt, Muslims being beaten & killed, mosques & graveyards being burnt & desecrated are similar to Jews fleeing the pogrom in Nazi Germany. The world must accept this brutal reality of the Modi fascist racist regime & stop it.
— Imran Khan (@ImranKhanPTI) February 28, 2020
وزیراعظم کا مزید کہنا تھا کہ میں بار بار دنیا کو آگاہ کرتا رہا ہوں کہ بھارتی وزیراعظم نریندرا مودی کا نظریہ جرمن نازیوں جیسا ہے، ہٹلر نے 1930ء کے دوران یہودیوں کو جس طرح نشانہ بنایا مودی اسی طرح مسلمانوں کو نشانہ بنا رہا ہے۔
ان کا مزید کہنا تھا کہ 2002ء کے دوران نریندرا مودی جب گجرات کے وزیراعلیٰ تھے تو انہوں نے فسادات کے دوران مسلمانوں کو شہید کروایا تھا۔ نئی دہلی میں مسلمانوں کا منظم قتل عام نازی جرمنی کے مظالم طرزعمل پر جاری ہے۔
As I have stating repeatedly, Modi s Hindu Supremacist agenda is akin to the Nazi pogrom of Jews in the 1930s while the major powers appeased Hitler. Modi conducted pogrom against Muslims in Gujarat as CM & now we are seeing the same in New Delhi.
— Imran Khan (@ImranKhanPTI) February 28, 2020
سماجی رابطے کی ویب سائٹ ٹویٹر پر عمران خان نے ایک ویڈیو شیئر کی یہ ویڈیو برطانیہ کی کیمبرج یونیورسٹی پریا گوپال کی تھی، جس میں پروفیسر بتا رہی ہیں کہ بھارتی دارالحکومت نئی دہلی میں مسلمانوں پر حملوں کے ساتھ ساتھ ان کے گھروں، عبادتگاہوں پر حملے کیے جا رہے ہیں، یہ حملے بالکل اسی طرح کیے جا رہے ہیں جب 1938ء کے دوران جرمن نازیوں نے یہودیوں پر کیے تھے۔ اس وقت جرمن نازیوں نے یہودیوں پر حملے کیے اور ان کے گھر اور کاروبار کو جلایا تھا۔
Priya Gopal, Lecturer at Cambridge Uni likens attack on Muslims, their mosques, homes & businesses in New Delhi to the pogrom of Jews carried out by the Nazis, esp in 1938 - the Kristallnacht (Night of Broken Glass) when Nazis attacked Jews, their synagogues, homes, businesses. pic.twitter.com/DqSgDZhWgq
— Imran Khan (@ImranKhanPTI) February 28, 2020
