لاہور: (دنیا نیوز) محکمہ موسمیات کے مطابق دادو میں 49، لاڑکانہ 46، جیکب آباد میں 44، جموں میں 41، سرینگر 31 اور لیہہ میں درجہ حرارت 24 ڈگری سینٹی گریڈ ریکارڈ کیا گیا۔
تاہم آج رات کشمیر، خطۂ پوٹھوہار، گوجرنوالہ، اسلام آباد اور کرم میں آندھی اور گرج چمک کے ساتھ بارش کا امکان ہے۔ جمعه کے روز صوبہ سندھ، بلوچستان، وسطی وجنوبی پنجاب اور زیریں خیبر پختونخوا میں موسم شدید گرم رہے گا۔
جمعے کی شام یا رات کے اوقات میں کشمیر، خطۂ پوٹھوہار، سرگودھا، گوجرنوالہ، اسلام آباد، وادیٔ پشاور، مردان، کرم اور کوہاٹ میں آندھی اور گرج چمک کے ساتھ بارش کا امکان ہے۔
گزشتہ 24 گھنٹے کا موسم ملک کے بیشتر علاقوں میں موسم گرم اور خشک جبکہ وسطی اور جنوبی علاقوں میں شدید گرم رہا۔تاہم شمالی پنجاب میں چند مقامات پر بارش ہوئی۔
