تازہ ترین
  • بریکنگ :- کراچی:ضلع ایسٹ میں مبینہ پولیس مقابلہ،3ملزمان گرفتار
  • بریکنگ :- ملزمان سے 3پستول،2موٹرسائیکل،موبائل فونزاورنقدی برآمد
  • بریکنگ :- کراچی:ملزمان شہری سےلوٹ مارکرکےفرارہورہےتھے،پولیس

وزیراعلیٰ بزدار نے عید کے موقع پر صوبے میں اسمارٹ لاک ڈاؤن کی منظوری دیدی

Last Updated On 26 July,2020 03:32 pm

لاہور: (دنیا نیوز) وزیراعلیٰ پنجاب نے عید کے موقع پر صوبے میں اسمارٹ لاک ڈاؤن کی منظوری دیدی، مارکیٹیں اور شاپنگ مالز عید سے دو، تین روز قبل بند کرنے کا فیصلہ کر لیا گیا۔

چیف سیکرٹری پنجاب کہتے ہیں کورونا سے بچاؤ کیلئے عید سے قبل اسمارٹ لاک ڈاؤن مجبوری ہے، سول سیکرٹریٹ کے ذرائع کے مطابق اسمارٹ لاک ڈاؤن کا نوٹیفکیشن تیار کر لیا، کسی وقت بھی جاری ہو سکتا ہے۔

اسمارٹ لاک ڈاؤن کے دوران مویشی منڈیاں، یوٹیلیٹی اسٹورز، دودھ، دہی، تندور اور میڈیکل اسٹور کھلے رہیں گے۔ مویشی منڈیوں میں ایس او پیز اور سکیورٹی کے انتظامات مزید سخت کرنے کا فیصلہ کیا گیا ہے۔

دریں اثنا عیدالاضحیٰ کی نماز کے لیے پنجاب حکومت کی طرف سے ایس او پیز جاری کر دیئے گئے ہیں جن پر عمل درآمد کی ذمہ داری ضلعی حکام کے ساتھ ساتھ مساجد کمیٹیوں پر عائد ہو گی۔ خلاف ورزی سامنے آنے پر قواعد کے مطابق کارروائی بھی کی جائے گی۔