تازہ ترین
  • بریکنگ :- وزیراعظم کی زیرصدارت سیلاب زدگان کی بحالی سےمتعلق جائزہ اجلاس
  • بریکنگ :- وزیراعظم کوسیلاب متاثرین کی امداد اور انفراسٹرکچرکی بحالی پربریفنگ
  • بریکنگ :- وزیراعظم کامتاثرین کی آبادکاری کیلئےاٹھائےگئےاقدامات پراظہاراطمینان
  • بریکنگ :- وزیراعظم کی متعلقہ حکام کو تمام وسائل بروئے کار لانے کی ہدایت
  • بریکنگ :- وزیر اعظم نے این ڈی ایم اے اور این ایچ اے کے کردار کو سراہا

پاک فوج کنٹرول لائن پر رہنے والوں کی سیکیورٹی یقینی بنائے گی، آرمی چیف

Published On 04 November,2020 06:46 pm

راولپنڈی: (دنیا نیوز) آرمی چیف جنرل قمر جاوید باجوہ نے کہا ہے کہ پاک فوج کنٹرول لائن (ایل او سی) پر رہنے والوں کی سیکیورٹی یقینی بنائے گی۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف نے یہ بات کور ہیڈ کوارٹرز راولپنڈی کے دورے کے موقع پر کہی۔ جنرل قمر جاوید باجوہ کو وہاں لائن آف کنٹرول کی موجودہ صورتحال پر بریفنگ دی گئی جبکہ فارمیشنز کی تیاریوں سے بھی آگاہ کیا گیا۔

آئی ایس پی آر کے مطابق آرمی چیف کو راولپنڈی چھاؤنی کے ترقیاتی کاموں سے آگاہ کیا گیا۔ انہوں نے ترقیاتی کاموں پر پیشرفت اور سول انتظامیہ کی کارکردگی کو بھی سراہا۔

اس موقع پر اپنے خطاب میں آرمی چیف جنرل قمر جاوید باجوہ نے بھارتی افواج کا نشانہ بننے والے کشمیری عوام کے جذبے کو سراہا اور کہا کہ پاک فوج کنٹرول لائن پر رہنے والوں کی سیکیورٹی یقینی بنائے گی۔