اسلام آباد: (دنیا نیوز) وزیراعظم عمران خان نے کہا ہے کہ معاشی ٹیم کو مزید متحرک کر دیا ہے تا کہ ملک میں مہنگائی کو کنٹرول کیا جا سکے۔
وزیراعظم عمران خان نے ٹویٹر پیغام میں کہا ہے کہ معاشی میدان میں مزید خوشخبریاں آرہی ہیں، افراط زر کم کرنے کی کوششیں اب نتائج دکھا رہی ہیں۔ کنزیومر پرائس انڈیکس اور افراط زر ہماری حکومت بننے سے پہلے کی سطح سے نیچے آ گئے۔
More good news on the economic front. Our efforts to reduce inflation are now showing results. Consumer price index & core inflation are both now lower than when our government was formed. I have told my economic team to stay vigilant & ensure that inflation stays under control.
— Imran Khan (@ImranKhanPTI) January 31, 2021
دوسری جانب وفاقی وزیر اسد عمر کا ملکی معیشت کی موجودہ صورتحال سے متعلق کہنا تھا کہ مہنگائی کی شرح مسلسل نیچے گررہی ہے، اشیائے خوراک کے صارفین کے لیے مہنگائی کی شرح 5 اعشاریہ 7 فیصد تک نیچے آگئی، بنیادی افراط زر کی شرح 5 اعشاریہ 4 فیصد تک نیچے آچکی ہے۔
انہوں نے کہا کہ جنوری کے مہینے میں افراط زر حوصلہ افزاء رہا، کنزیومر پرائس انڈیکس اور اشیاء خوراک کی مہنگائی مجموعی طور پر 7 اعشاریہ 6 فیصد تک رہیں۔
Inflation continues to decline. Jan inflation (CPI) is down to 5.7%. Core inflation is at 5.4%. Last month (jul 2018) prior to PTI govt formation, CPI was 5.8% & core was 7.6%. The rate of inflation is LOWER today then when the PTI govt was formed. #PMIKECONPOLICYSUCCESS
— Asad Umar (@Asad_Umar) January 31, 2021
