تازہ ترین
  • بریکنگ :- کوروناایس اوپیزپرعمل کرائیں گے،وزیراعظم عمران خان
  • بریکنگ :- کوروناسےبچےتوعالمی سطح پرمہنگائی ہوئی،وزیراعظم
  • بریکنگ :- ہم نے تمام کرائسزکامقابلہ کیا،وزیراعظم عمران خان
  • بریکنگ :- ہم نے 8ہزارارب ٹیکس اکٹھاکرنےکااعلان کیاتومذاق اڑایاگیا،وزیراعظم
  • بریکنگ :- اس وقت 6ہزارارب ٹیکس اکٹھا کرچکےہیں،وزیراعظم
  • بریکنگ :- 8ہزارارب روپےکےٹیکس ہدف سےآگےنکلیں گے،وزیراعظم
  • بریکنگ :- یہ نہیں ہوسکتا22 کروڑمیں سے 20لاکھ لوگ ٹیکس دیں،وزیراعظم
  • بریکنگ :- سب کوٹیکس دینا ہوگا،وزیراعظم عمران خان
  • بریکنگ :- گندم،چینی،مکئی اورچاول کی ریکارڈ پیداوارہوئی،وزیراعظم
  • بریکنگ :- عالمی سطح پرمہنگائی ہوئی ہے،وزیراعظم عمران خان
  • بریکنگ :- ملکی تاریخ میں موٹرسائیکل،گاڑیوں اورموبائل کی ریکارڈفروخت ہوئی،وزیراعظم
  • بریکنگ :- مشکلات ہیں، آنےوالےدنوں میں بہتری آئے گی،وزیراعظم

مہنگائی کی دہائی دیتے عوام کی چیخیں، حکومت نے پھر پٹرولیم بم گرا دیا

Published On 31 January,2021 08:56 pm

اسلام آباد: (دنیا نیوز) تحریک انصاف کی حکومت نے عوام پر مہنگائی کا ایک اور بم گراتے ہوئے پیٹرولیم مصنوعات کی قیمتوں میں پھر اضافہ کر دیا ہے۔

نوٹٰفیکییشن کے مطابق پٹرول کی قیمت میں 2 روپے 70 پیسے فی لٹر اضافہ کیا گیا ہے، اس کے علاوہ ہائی سپیڈ ڈیزل کی قیمت میں 2 روپے 88 پیسے فی لٹر اضافہ کر دیا گیا ہے۔

خیال رہے کہ آئل اینڈ ریگولیٹری اتھارٹی (اوگرا) کی طرف سے پیٹرول کی قیمت میں 13.18 روپے فی لیٹر اضافہ کی سمری بھیجی گئی تھی۔ ہائی سپیڈ ڈیزل میں 12.12 روپے، مٹی کے تیل کی قیمت میں 11.10 روپے فی لیٹر جبکہ لائٹ ڈیزل کی قیمت میں 6.62 روپے فی لیٹر اضافہ تجویر کیا گیا تھا۔

تاہم وزیرِاعظم عمران خان نے اوگرا کی جانب سے بھیجی گئی مجوزہ سفارشات کے برعکس عوامی مفاد کو مدنظر رکھتے ہوئے پیٹرلیم مصنوعات کی قیمتوں میں کم سے کم اضافے کی منظوری دی۔

وزیرِاعظم نے عوامی مفاد کے پیشِ نظر پیٹرول کی قیمت میں صرف 2.70 روپے فی لیٹر، ہائی سپیڈ ڈیزل میں 2.88 روپے فی لیٹر، مٹی کے تیل کی قیمت میں 3.54 روپے فی لیٹر اور لائٹ ڈیزل کی قیمت میں 3.00 روپے فی لیٹر کا اضافہ کرنے کی اجازت دی۔

لائٹ ڈیزل کی نئی قیمت 79 روپے 23 پیسے فی لٹر، مٹی کے تیل کی نئی قیمت 80 روپے 19 پیسے فی لٹر، پٹرول کی نئی قیمت 111 روپے 90 پیسے فی لٹر اور ہائی سپیڈ ڈیزل کی نئی قیمت 116 روپے 7 پیسے فی لٹر ہو گی۔ خیال رہے کہ رواں سال یکم جنوری سے اب تک پٹرول 8 روپے 21 پیسے مہنگا ہوا ہے۔

یکم دسمبر سے اب تک دو ماہ میں پیٹرولیم مصنوعات 16 روپے 37 پیسے تک فی لیٹر مہنگی ہوئیں۔ پیٹرول 11 روپے 21 پیسے، ہائی سپیڈ ڈیزل 14 روپے 64 پیسے، لائٹ ڈیزل 16 روپے 37 پیسے اور مٹی کا تیل 14 روپے 90 پیسے فی لیٹر مہنگا ہوا۔