تازہ ترین
  • بریکنگ :- 22کروڑعوام کی تقدیرکےفیصلےفتنہ بازوں کےہاتھ نہیں دےسکتے،مریم نواز
  • بریکنگ :- ملک دشمنوں کےخلاف ڈٹ جانےکاوقت آ گیا ہے،ڈٹ جانا چاہیے،مریم نواز
  • بریکنگ :- لانگ مارچ کا اعلان پاکستان کےخلاف عمرانی سازش ہے،مریم نواز
  • بریکنگ :- عمران خان اور ان کے حواری عوام کےخیرخواہ نہیں ،مریم نواز
  • بریکنگ :- وقت لانگ مارچ کا نہیں،ملک کومسائل سےنکالنےکاہے،مریم نواز
  • بریکنگ :- قوم کسی کو بھی انارکی پھیلانےکی اجازت نہیں دے گی،مریم نواز
  • بریکنگ :- جب ملک ترقی کرنےلگتاہے،عمران خان پاکستان پرحملہ آورہوجاتا ہے،مریم نواز

کشمیری عوام کی بے دریغ شہادتوں پر دنیا کی خاموشی کا کوئی جواز نہیں:‌عثمان بزدار

Published On 05 February,2021 10:08 am

لاہور: (دنیا نیوز) وزیراعلیٰ پنجاب سردار عثمان بزدار نے کہا ہے کہ پوری قوم مقبوضہ جموں و کشمیر کے مظلوم عوام کے شانہ بشانہ کھڑی ہے۔ نہتے کشمیریوں کی عظیم جدوجہد کو سلام پیش کرتے ہیں، بے گناہ کشمیریوں کی بے دریغ شہادتوں پر دنیا کی خاموشی کا کوئی جواز نہیں۔

وزیر اعلی نے اپنے پیغام میں کہا کہ پاکستانیوں اور کشمیریوں کے دل ایک ساتھ دھڑکتے ہیں- پاکستان، کشمیر اور کشمیر پاکستان کے بغیر نامکمل ہے، دونوں ایک لڑی میں پروے ہوئے ہیں- کشمیریوں کے ساتھ ہمارا رشتہ محبت، بھائی چارے اوراخوت کا ہے۔ کشمیری عوام اپنے قیمتی لہو سے آزادی کی نئی تاریخ لکھ رہے ہیں- ہم کل بھی کشمیریوں کے ساتھ کھڑے تھے،آج بھی ساتھ کھڑے ہیں اور کل بھی ساتھ کھڑے رہیں گے-

سردار عثمان بزدار نے کہا کہ کوئی قوت پاکستانیوں اور کشمیریوں کے لازوال رشتے کو ختم نہیں کرسکتی- وزیراعلیٰ عثمان بزدار نے کہا کہ مقبوضہ جموں و کشمیرمیں بے گناہ لوگوں کی شہادت پر دنیا کی خاموشی کا کوئی جواز نہیں-