تازہ ترین
  • بریکنگ :- کراچی:24 گھنٹےمیں کورونامثبت کیسزکی شرح 40.68 فیصدرپورٹ
  • بریکنگ :- سندھ میں 2319 کیس رپورٹ،1994 کاتعلق کراچی سےہے
  • بریکنگ :- کراچی:24 گھنٹےکےدوران سندھ میں 5 مریض انتقال کرگئے
  • بریکنگ :- کراچی:391 مریضوں کی حالت تشویشناک،21 وینٹی لیٹرپرہیں

بلاول کا شہباز کو فون، پی ڈی ایم کے پلیٹ فارم پر پیدا شدہ صورتحال پر تبادلہ خیال

Published On 13 May,2021 05:09 pm

لاڑکانہ: (دنیا نیوز) پاکستان پیپلز پارٹی کے چیئر مین بلاول بھٹو زرداری نے شہباز شریف کو ٹیلیفون کیا ہے، دونوں رہنماؤں نے پی ڈی ایم کے پلیٹ فارم پر پیدا شدہ صورتحال پر تبادلہ خیال کیا۔

تفصیلات کے مطابق پاکستان پیپلز پارٹی (پی پی پی) کے چیئر مین بلاول بھٹو زرداری نے مسلم لیگ ن کے صدر اور قومی اسمبلی میں اپوزیشن لیڈر میاں محمد شہباز شریف کو ٹیلیفون کیا ہے، بلاول کو شہباز شریف نے عید کی مبارک باد دی۔بلاول نے بھی شہباز کو عید کی مبارک باد دی اور شہباز شریف کو حمزہ شہباز کے لئے بھی عید کی مبارک باد کا پیغام دیا۔

پی پی چیئر مین بلاول بھٹو اور لیگی صدر شہبازشریف کا حکومت کے عوام دشمن اقدامات پر بھی تبادلہ خیال کیا گیا، عوامی ایشوز کو اسمبلی کے فلور پر بھرپور اندازسے اجاگر کرنے کے حوالے سے بھی بات چیت کی گئی۔

دونوں رہنماوں کے درمیان پی ڈی ایم کے پلیٹ فارم پر پیدا شدہ صورتحال پر تبادلہ خیال کیا گیا، عوامی ریلیف کے لئے اسمبلی کے اندر اور باہر بھرپور اندازسے ایشوز اٹھانے پر بھی بات چیت کی گئی۔

چند دن پہلے مولانا فضل الرحمن اورشہبازشریف کے درمیان ٹیلی فونک رابطہ ہوچکاہے۔