تازہ ترین
  • بریکنگ :- اومی کرون معیشت کی بحالی کوسست کرسکتاہے،مینجنگ ڈائریکٹرآئی ایم ایف
  • بریکنگ :- بھارتی ویرینٹ ڈیلٹابھی عالمی معیشت کےلیےنقصان کاباعث بناتھا،کرسٹلینا جارجیوا
  • بریکنگ :- آئی ایم ایف نےاکتوبرمیں شرح نمو4.9 فیصدرہنےکی پیش گوئی کی تھی
  • بریکنگ :- کوروناکی نئی قسم اومی کرون،رواں سال عالمی شرح نموکم رہنےکاامکان

تحریک انصاف میں کوئی گروپنگ نہیں، پی ٹی آئی ایک ہے اور رہے گی: غلام سرور

Published On 22 May,2021 03:14 pm

اسلام آباد: (دنیا نیوز) غلام سرور خان کا کہنا ہے کہ تحریک انصاف میں کوئی گروپنگ نہیں، پی ٹی آئی ایک ہے اور رہے گی، یہ چھوٹے موٹے اختلافات ہیں جو ختم ہو جائیں گے، گلے شکوے جمہوریت کا حسن ہوتے ہیں۔

وفاقی وزیر برائے ہوا بازی غلام سرور خان نے اسلام آباد میں پریس کانفرنس کرتے ہوئے کہا کہ پی ڈی ایم اپنی موت آپ مر چکی، پاکستان ڈیموکریٹک موومنٹ کا شیرازہ بکھر چکا ہے، پی ٹی آئی میں گروپ بندی کا تاثر دیا جا رہا ہے جو کہ غلط ہے۔ ان کا کہنا تھا راولپنڈی رنگ روڈ سکینڈل سے اُن کا کسی طرح کا کوئی تعلق نہیں، منصوبے میں ہماری کوئی زمین نہیں، پراجیکٹ کو کسی سازش کا شکار نہیں ہونے دیں گے۔

غلام سرور خان نے مزید کہا کہ رنگ روڈ منصوبہ ڈراپ نہیں ہونا چاہیے، یہ پروجیکٹ قومی سطح کا منصوبہ ہے، جو راولپنڈی اور اسلام آباد کیلئے اہم ہے، وزیراعظم سے رنگ روڈ منصوبے کا سنگ بنیاد رکھوائیں گے، یہ منصوبہ شروع ہوگا اور پایہ تکمیل تک بھی پہنچے گا، انکوائری سے بھاگنے والا نہیں، میری اور میرے خاندان کی انکوائری ضرور کرائیں۔ ان کا کہنا تھا کہ چودھری نثار کہتے ہیں کہ الیکشن کو ہی نہیں تسلیم کرتا، شکر ہے 2 سال بعد انہوں نے اپنی بدترین ہار کو تسلیم کرلیا۔