تازہ ترین
  • بریکنگ :- نواب شاہ:پولنگ اسٹیشنزپرمسلح افرادبیلٹ پیپرلےکرفرارہوگئے
  • بریکنگ :- کنڈیارو:یوسی محبت دیرومیں ووٹرزکےدرمیان ہاتھاپائی
  • بریکنگ :- کنڈیارو:پولنگ کاعمل روک دیاگیا، 5 افرادزخمی
  • بریکنگ :- نواب شاہ:یونین کونسل نمبر 8 میں 3پولنگ اسٹیشنزپرپولنگ شروع نہ ہوسکی

پبی میں مشترکہ انسداد دہشت گردی مشقیں، چینی پیپلز لبریشن آرمی بھی شریک

Published On 23 September,2021 08:28 pm

راولپنڈی: (دنیا نیوز) خیبرپختونخوا کے ضلع نوشہرہ کے علاقے پبی میں مشترکہ انسداد دہشت گردی مشقوں کیلئے تقریب کا انعقاد کیا گیا جس میں چین کی پیپلز لبریشن آرمی بھی شریک ہوئی۔

پاک فوج کے شعبہ تعلقات عامہ (آئی ایس پی آر) کی طرف سے جاری کردہ بیان کے مطابق نیشنل کاؤنٹر ٹیررازم سینٹر پبی میں مشترکہ فوجی مشقوں کی افتتاحی تقریب منعقد ہوئی۔ ایس سی او کے انسداد دہشتگردی سٹرکچر کا حصہ ان مشقوں میں چین کی پیپلز لبریشن آرمی اور پاک فوج کے دستے شریک ہیں۔

آئی ایس پی آر کا کہنا ہے کہ مشقوں میں انسداد دہشت گردی آپریشنز کی تربیت شامل ہے، مشقوں کا مقصد ایس سی او ممالک کی سپیشل فورسز اور قانون نافذ کرنے والے اداروں کی عالمی دہشت گردی سے نمٹنے کی صلاحیتوں میں اضافہ کرنا ہے، مشقوں کا پہلا مرحلہ رکن ممالک میں 26 تا 31 جولائی منعقد کیا گیا ، دو ہفتوں پر محیط مشقوں کا دوسرا مرحلہ پاکستان میں شروع ہے۔

آئی ایس پی آر نے کہا ہے کہ مشقوں کےدوران انسداددہشتگردی کےحوالےسےمختلف ڈرلزاورآپریشن کیے جائیں گے، علاقے کا محاصرہ، سرچ، کلیئرنس اور کلوز کوارٹر بیٹل شامل ہیں، ان مشقوں سے انسداد دہشت گردی کے آپریشن میں ربط مزید مضبوط ہو گا۔