اسلام آباد: (دنیا نیوز) بحرین کے ولی عہدووزیراعظم شہزادہ سلام بن سلمان بن عیسی نے وزیر اعظم عمران خان سے فون پر لاہور میں دہشت گردحملے کی مذمت کی ہے جبکہ وزیر اعظم عمران خان نے دہشت گردی کے خلاف جنگ میں پاکستان کے عزم کا اعادہ کیا ہے۔
وزیر اعظم عمران خان کو بحرین کے ولی عہد،وزیر اعظم اور ڈپٹی سپریم کمانڈر شہزادہ سلمان بن عیسیٰ الخلیفہ نے ٹیلی فون کیا۔
ولی عہد نے20 جنوری کو لاہور میں دہشت گرد حملے کی سخت مذمت کی جس میں 3 افراد جاں بحق اور کئی زخمی ہوئے۔ انہوں نے متاثرہ خاندانوں کے ساتھ تعزیت کا اظہار کرتے ہوئے زخمیوں کی جلد صحت یابی کی دعا کی۔
ولی عہد نے پاکستان کے عوام، قیادت اور حکومت کے ساتھ یکجہتی کا اظہار کیا۔وزیر اعظم عمران خان نے بحرین کے ولی عہد کی جانب سے تعاون اور یکجہتی کے ساتھ ساتھ تعزیت اور ہمدردی پران کا شکریہ ادا کیا۔
وزیر اعظم نے ایک بار پھر دہشت گردی کی کسی بھی شکل کے خلاف جنگ کےپاکستان کے عزم کااعادہ کیا۔دونوں رہنمائوں نے دوطرفہ تعلقات کو مزید مستحکم بنانے اور علاقائی اورعالمی امور پر قریبی تعاون پر تبادلہ خیال کیا۔
