خانیوال: (دنیا نیوز) انسداد دہشتگرد فورس نے خانیوال میں خفیہ اطلاع پر آپریشن کرتے ہوئے کالعدم تنظیم سے تعلق رکھنے والے 2 دہشتگرد گرفتار کرلیے۔
ترجمان سی ٹی ڈی کے مطابق آپریشنز خفیہ اطلاع پر کیا گیا، جس کے دوران خانیوال میں کالعدم تنظیم داعش کے 2 دہشتگرد گرفتار کئے گئے۔ ترجمان کے مطابق آپریشن کے دوران دہشتگردوں کے قبضے سے دھماکہ خیز مواد، اسلحہ، بارودی مواد اور ممنوعہ لٹریچر برآمد کیا گیا ہے۔ گرفتار دہشتگردوں کی شناخت عمران حیدر اور ریاض کے نام سے ہوئی، دہشتگردوں نے اہم تنصیبات اور عبادت گاہوں پر حملے کی منصوبہ بندی کر ر کھی تھی۔
ترجمان کے مطابق دہشتگروں کے خلاف ملتان میں مقدمہ درج کرلیا گیا ہے جبکہ ان کے ممکنہ طور پر موجود ساتھیوں کی گرفتاری کے لیے کوششیں کی جا رہی ہیں۔
