لاہور:(دنیا نیوز) پاکستان پیپلز پارٹی کے شریک چیئرمین اور سابق صدر مملکت ٓصف علی زرداری نے مسلم لیگ ق کے صدر چودھری شجاعت حسین سے ملاقات کی، اتحادی رہنماؤں کے اجلاس میں فیصلوں کے بارے میں اعتماد میں لیا۔
آصف زرداری چودھری شجاعت حسین کی رہائشگاہ پہنچے اور ان کے ساتھ ایک گھنٹے سے زائد ملاقات کی، جس میں پنجاب کی سیاسی صورتحال پر مشاورت کی گئی۔
ملاقات میں چودھری شجاعت حسین کے خاندان کے افراد بھی شامل ہوئے، آصف زرداری ملاقات کے بعد فتح کا نشان بناتے ہوئے شجاعت حسین کی رہائش گاہ سے روانہ ہوئے۔
