لاہور: (ویب ڈیسک) سابق وزیراعظم اور پاکستان تحریک انصاف (پی ٹی آئی) کے چیئر مین عمران خان نے شہباز شریف اور آصف زرداری پر تنقید کرتے ہوئے لکھا ہے کہ چوروں کو قومی اثاثوں کو فروخت کرنے کی اجازت نہیں ہونی چاہیے۔
سماجی رابطے کی ویب سائٹ ٹویٹر پر انہوں نے وزیراعظم شہباز شریف پر تنقید کرتے ہوئے لکھا کہ قومی اثاثوں کی فروخت کے معاملے پر امپورٹڈ حکومت پر کیسے اعتماد کیا جا سکتا ہے، قومی اثاثوں کی فروخت پر طریقہ کار، قانونی جانچ پڑتال کیسے نظر انداز ہو سکتی ہے۔ امپورٹڈ حکومت کی قیادت کرائم منسٹر کر رہے ہیں، شریف خاندان کے ساتھ زرداری کی کرپشن پر بھی کتابیں لکھی گئی ہیں، چوروں کو قومی اثاثوں کو فروخت کرنے کی اجازت نہیں ہونی چاہیے، قوم ان پر اپنے قومی اثاثے سپرد کرنے پر کبھی اعتماد نہیں کرے گی۔ یہ لوگ پچھلے 30 سالوں سے پاکستان کو لوٹ رہے ہیں اور اب موجودہ معاشی بدحالی کے ذمہ دار ہیں۔
These ppl have been plundering Pak for last 30 yrs & are now responsible for the present economic meltdown. These thieves should never be allowed to sell our national assets in the devious manner they are attempting. The nation will never trust them with our national assets.
— Imran Khan (@ImranKhanPTI) July 23, 2022
اس سے قبل سماجی رابطے کی ویب سائٹ ٹویٹر پر چیئرمین پاکستان تحریک انصاف (پی ٹی آئی) نے لکھا کہ سری لنکاکی طرح ہم اس صورتحال سے زیادہ دور نہیں جب ہمارے لوگ سڑکوں پر امڈ آئیں گے۔
عمران خان نے کہا کہ 30 برسوں سے زائد مدت میں پاکستان کی لوٹ کھسوٹ سے جمع کی گئی اپنی غیرقانونی دولت بچانے کیلئے زرداری و شریف مافیا نے صرف 3 ماہ سے کچھ ہی زائد عرصے میں ملک کو سیاسی و اقتصادی طور پر گھٹنوں کے بل گرا دیا ہے، میرا سوال یہ ہے کہ ریاستی ادارے کب تک اس کی اجازت دیتے رہیں گے؟
I can say with certainty after my interaction with our nation & their response to my call for Haqeeqi Azadi that ppl of Pak have had enough & will not allow these mafias to continue their loot & plunder. We are not far from Sri Lanka moment when our public pours out into streets
— Imran Khan (@ImranKhanPTI) July 23, 2022
انہوں نے کہا کہ قوم سے اپنے روابط اور حقیقی آزادی کی میری پکار پر ان کے جواب کے بعد میں کامل یقین سے یہ کہہ سکتا ہوں کہ عوام پہلے ہی بہت کچھ سہہ چکےہیں چنانچہ اب ان مافیاز کو لوٹ مار کاسلسلہ برقرار رکھنےکی قطعاً اجازت نہیں دیں گے۔
