لاہور: (ویب ڈیسک) پاکستان تحریک انصاف (پی ٹی آئی) کے چیئر مین اور سابق وزیراعظم عمران خان نے کہا ہے کہ 40 ارب ڈالر کی سرمایہ کاری سے راوی سٹی منصوبے پر کام جاری ہے۔
سماجی رابطے کی ویب سائٹ ٹویٹر پر اپنے ایک بیان میں سابق وزیراعظم نے لکھا کہ راوی سٹی پر کام جاری ہے۔ 40ارب ڈالر کی سرمایہ کاری سے تعمیر ہونے والا یہ شہر 15 ملین نفوس کی ضروریات پوری کرے گا اور پاکستان کا پہلا سرسبز سمارٹ شہر ہو گا۔ دریا کے کنارےتعمیر ہونے والا یہ عمودی شہر ملکی اور غیر ملکی سرمایہ کاروں کیلئے بہت سے مواقع پیدا کرے گا اور دنیا کے سب سے بڑے آبی رُخ کا حامل شہر ہو گا۔
Work is progressing on Ravi city. With $40 bn investment portfolio it will accommodate 15 mn ppl & will be Pak s first green & smart city. Vertical riverfront development provides range of opportunities for int & national investors. Ravi City will have world s largest waterfront pic.twitter.com/XkFONVNlhf
— Imran Khan (@ImranKhanPTI) September 19, 2022
پی ٹی آئی چیئر مین نے مزید لکھا کہ اس منصوبے میں 3 بیراج ہوں گے جن سے 270 ارب لٹر پانی کی بچت ہوگی جس کی لاہور کے زیرِ زمین زخیرۂ آب کواشد ضرورت ہے۔
عمران خان نے مزید لکھا کہ گزشتہ برس شروع کیاجانےوالا 5000 ایکڑرقبےپر محیط جنگل کا ماحول دوست رکھ جھوک منصوبہ بھی اس کا حصہ ہے۔ سیلاب سے بچاؤ کیلئے قدرتی مٹی سے جدید انداز میں پُشتے بھی تعمیر کئے جائیں گے۔
