راولپنڈی: (دنیا نیوز)سربراہ پاکستان عوامی مسلم لیگ اور سابق وفاقی وزیر داخلہ شیخ رشید احمد نے کہا ہے کہ پی ڈی ایم عمران خان کو دیوار کے ساتھ لگا کر نااہل کروانا ،کیئر ٹیکر حکومت کا دورانیہ بڑھانا ،الیکشن سے فراری چاہتی ہے۔
سماجی رابطے کی ویب سائٹ ٹوئٹر پر اپنے پیغام میں شیخ رشید نے کہا کہ 75 فیصد عوام جو عمران خان کے ساتھ ہے اس رائے عامہ کا گلا دبانا چاہتی ہے، موجودہ حالات میں عمران خان کے پاس اسمبلیاں توڑنے کے علاوہ کوئی راستہ نہیں رہا۔
پی ڈی ایم عمران خان کودیوارکےساتھ لگاکرنااہل کروانا چاہتی ہےکیرٹیکرحکومت کادورانیہ بڑھاناچاہتی ہےالیکشن سےفراری ہے75 فیصد عوام جو عمران خان کےساتھ ہے اُس رائے عامہ کا گلا دباناچاہتی ہےعمران خان کےپاس اسمبلیاں توڑنےکےعلاوہ کوئی راستہ نہیں رہا
— Sheikh Rashid Ahmed (@ShkhRasheed) December 16, 2022
سابق وفاقی وزیر کا کہنا تھا کہ ،16 دسمبر وہ خونی دن ہے جب پشاور اے پی ایس میں 8 سال پہلے ہمارے بچوں کو شہید کیا گیا اور یہ دہشتگردی دوبارہ سراٹھا رہی ہے، کل 2 اہم دہشتگرد راولپنڈی ،اسلام آباد سے گرفتار ہوئے ہیں جو انتہائی تشویشناک ہے۔
شیخ رشید نے کہا کہ ڈالر نایاب 250 پر چلا گیا ہے، ریزرو 7 ارب سے کم ٹیکسٹائل انٖڈسٹریاں بند اور آئی ایم ایف سے کٹی سیاسی عدم استحکام خطرے کی علامت ہے، عمران خان کے پاس اسمبلیاں توڑنے کے علاوہ کوئی راستہ نہیں رہا۔
