کراچی: (دنیا نیوز) قومی ایئرلائن پی آئی اے پر یورپ میں عائد پابندی ختم ہو نے کا امکانات روشن ہو گئے۔
ذرائع کے مطابق برطانیہ سمیت یورپی ممالک میں پی آئی اے کی پروازوں پر پابندی کا معاملہ ، یورپی یونین ایوی ایشن سیفٹی ایجنسی کی جانب سے پی آئی اے کے آڈٹ کا فیصلہ کرلیا گیا ہے۔
یورپی یونین سیفٹی ایجنسی7 مارچ2023 سے قومی ایئرلائن کا آن لائن ریموٹ آڈٹ کرے گی ۔
ایاسا کی آڈٹ ٹیم پی آئی اے کے فلائٹ سیفٹی، انجینئرنگ، آپریشنل سمیت مختلف امور کا آن لائن ریموٹ آڈٹ کرے گی ، آڈٹ کامیاب ہونے کے بعد ایاسا کی ٹیم پاکستان کا دورہ کرے گی۔
ایاسا کی ٹیم کے مطمئن ہونے کے بعد یورپ میں پی آئی اے کی پروازوں کا فلائٹ آپریشنل بحال ہونے کے امکانات ہیں۔
اس حوالے سے ترجمان پی آئی اے کا کہنا ہے کہ قومی ایئر لائن نے ایاسا کے آن لائن آڈٹ سے متعلق اپنی تمام تیاریاں مکمل کرلی ہیں ، قوی امید ہے کہ کامیاب آڈٹ کے بعد یورپ آپریشن کی راہیں ہموار ہوجائیں گی۔
