اسلام آباد: (دنیا نیوز) ضمنی انتخابات کیلئے این اے 193 سے اختر حسن خان گورچانی پیپلز پارٹی پارلیمنٹیرینز کے امیدوار نامزد کر دیئے گئے۔
سیکرٹری جنرل پیپلز پارٹی پارلیمنٹیرینز فرحت اللہ بابر نے اپنے بیان میں کہا کہ ہے کہ پیپلز پارٹی ضمنی انتخابات میں بھرپور حصہ لے گی، پارٹی صدر آصف علی زرداری نے اختر حسن گورچانی کے نام کی منظوری دے دی۔
واضح رہے پاکستان تحریک انصاف کے اراکین کے استعفوں کی منظوری کے بعد الیکشن کمیشن نے قومی اسمبلی کی 33 نشستوں پر ضمنی انتخابات کا شیڈول جاری کیا ہے جس کے مطابق 16 مارچ کو ان نشستوں پر انتخاب ہوگا، کاغذات نامزدگی 6 سے 8 فروری تک جمع کرائے جائیں گے۔
الیکشن کمیشن کے مطابق شیڈول کا آغاز 3 فروری کو پبلک نوٹس جاری ہونے سے ہو گا ، ان 33 حلقوں میں کراچی کے 9، اسلام آباد کے 3 اور راولپنڈی کے 5، لاہور اور ملتان کے 2، 2 ، جبکہ کوئٹہ ، جہلم، بھکر اور ڈی جی خان کا ایک ایک جبکہ خیبرپختونخوا کے 8 حلقے شامل ہیں۔
