اسلام آباد: (دنیا نیوز)خاتون جج زیبا چودھری کودھمکی دینے کے کیس عمران خان کے وکلاء کی جانب سے بریت کی درخواست دائرکردی گئی۔
اسلام آباد کی مقامی عدالت میں چیئرمین پی ٹی آئی عمران خان کے خلاف خاتون جج زیبا چودھری کودھمکی دینے کے کیس کی سماعت ہوئی، عمران خان کے وکلا کی جانب سے بریت کی درخواست دائرکردی، وکیل عمران خان نے کہا کہ بریت کی درخواست پر ملزم کا ہونا ضروری نہیں ،عدالت نے کہا کہ آج فرد جرم عائد کرنے کیلئے نہیں کیس کی کاپیاں فراہم کرنے کیلئے طلب کیا تھا۔
وزیراعظم کو ملنے والی سہولیات اور سکیورٹی سے متعلق دستاویزات عدالت میں جمع کرا دی گئیں۔
وکیل عمران خان نے کہا کہ دستاویزات کے مطابق وزیراعظم کو سکیورٹی فراہم کی جاتی ہے، سابق وزیراعظم کو بھی سکیورٹی دی جاتی ہے جو عمران خان سے واپس لے لی گئی، عمران خان کو دوبارہ ٹارگٹ کیا جا سکتا ہے۔
