گوجرانوالہ: (دنیا نیوز) سابق گورنر پنجاب عمر سرفراز چیمہ کے خلاف گوجرانوالہ کے تھانہ گکھڑ میں مقدمہ درج کرلیا گیا۔
عمر سرفراز چیمہ کے خلاف مقدمہ مہوش نامی خاتون کی مدعیت میں درج کیا گیا ہے۔
خاتون نے مقدمے میں مؤقف اختیار کیا ہے کہ عمرسرفراز چیمہ اور تنویر صفدر کی ایماء پر اغواء کرنے کی کوشش کی گئی، ملزمان فاروق، قدوس، صادق اور دیگر نے میری فصل بھی تباہ کی، ملزمان نے تشدد کا نشانہ بنایا اور کپڑے بھی پھاڑ دئیے۔
پولیس نے اغواء اور بدتمیزی سمیت دیگر دفعات کے تحت سابق گورنر پنجاب عمر سرفراز چیمہ کے خلاف مقدمہ درج کیا۔
