کوئٹہ: (دنیا نیوز) خضدار اور گرد و نواح میں زلزلے کے جھٹکے محسوس کیے گئے تاہم کسی نقصان کی اطلاع موصول نہیں ہوئی۔
زلزلہ پیما مرکز کے مطابق ریکٹر سکیل پر زلزلے کی شدت 4 اعشاریہ 2 اور گہرائی 20 کلو میٹر ریکارڈ کی گئی، زلزلے کا مرکز خضدار سے 117 کلو میٹر مغرب میں واقع تھا۔
زلزلے کے بعد کسی قسم کے جانی یا مالی نقصان کی اطلاع موصول نہیں ہوئی تاہم کسی بھی صورتحال سے نمٹنے کیلئے امدادی اداروں کو الرٹ رہنے کی ہدایت کر دی گئی ہے۔
