بورے والا: (دنیانیوز) پنجاب کے شہر بورے والا میں چیچہ وطنی روڈ پر انتہائی المناک حادثہ پیش آیا ہے ۔
تفصیلات کے مطابق 431/ ای بی کے قریب تیز رفتار مسافر بس نے دو موٹر سائیکل سواروں کو کچل ڈالا ، موٹر سائیکل سوار دونوں افراد موقع پر دم توڑ گئے ۔
حادثے کی اطلاع ملنے پر ریسکیو ٹیمیں موقع پر پہنچ گئیں اور جاں بحق افراد کی نعشیں ٹی ایچ کیو ہسپتال منتقل کردیں ۔
پولیس کے مطابق بس ڈرائیور موقع سے فرار ہونے میں کامیاب ہوگیا ۔
