خیرپور: (دنیا نیوز) پاکستان پیپلز پارٹی کے سینئر رہنما منظور وسان نے کہا ہے کہ میاں صاحب کوئی خواب نہ دیکھیں ان کی بیٹی نہیں زرداری صاحب کا بیٹا وزیر اعظم ہوگا۔
پی ایس 27 ھالار میں جلسہ عام سے خطاب کرتے ہوئے منظور وسان نے کہا کہ اس بار آزاد امیدوار زیادہ جیتیں گے جو ہماری حکومت میں شامل ہوں گے۔
انہوں نے کہا کہ تمام آزاد امیدوار آصف علی زرداری، بلاول بھٹو کو ووٹ دیں گے، بلاول بھٹو وزیر اعظم ہو گا، پیپلزپارٹی سندھ سے کلین سویپ کرے گی۔
منظور حسین وسان نے کہا کہ پنجاب سے بھی کافی سیٹیں ملیں گی، بلوچستان سے بھی کافی سیٹیں لے کر اور آزاد امیدوار ملا کر بلاول بھٹو ہی وزیر اعظم ہوگا۔
