تہران: (دنیا نیوز) ایران کے صدر آیت اللہ سید ابراہیم رئیسی نے میاں محمد شہبازشریف کو وزیراعظم پاکستان منتخب ہونے پر مبارکباد دی۔
ایرانی صدر نے دونوں اسلامی برادر مملک کے تعلقات کو مزید مضبوط بنانے کے عزم کا اظہار کیا، ایرانی صدر نے اس خواہش کا اظہار کیا کہ نئی حکومت پاکستانی عوام اور ملک کی ترقی کیلئے بھرپور کوشش کرے گی۔
صدر ابراہیم رئیسی نے کہا کہ دونوں ممالک باہمی تعلقات کو فروغ دینے کیلئے مل کر کام کریں گے۔
ایران کے وزیر خارجہ حسین امیر عبدالیہان نے بھی میاں محمد شہبازشریف کو وزیراعظم منتخب ہونے پر مبارکباد دی۔
