کراچی: (دنیا نیوز) سربراہ جے یو آئی مولانا فضل الرحمان سے قومی کرکٹ ٹیم کے سابق کپتان شاہد آفریدی نے ملاقات کی۔
ملاقات جے یو آئی سندھ کے سیکرٹری جنرل علامہ راشد سومرو کی کراچی میں واقع رہائش گاہ پر ہوئی جس میں علامہ راشد سومرو، علامہ ناصر سومرو سمیت دیگر بھی موجود تھے۔
جے یو آئی کی جانب سے جاری کیے گئے بیان کے مطابق ملاقات میں دونوں شخصیات کے درمیان ملکی سیاسی صورتحال پر تبادلہ خیال کیا گیا۔
