سکرنڈ: (دنیا نیوز) تیز رفتار وین کی ٹکر سے موٹرسائیکل سوار 2 افراد جاں بحق ہوگئے۔
افسوسناک واقعہ قومی شاہراہ پر جلالانی سٹاپ کے قریب پیش آیا جہاں تیز رفتار وین نے موٹرسائیکل کو بری طرح کچل ڈالا، حادثے میں موٹرسائیکل پر سوار 2 افراد موقع پر دم توڑ گئے۔
جاں بحق افراد کی شناخت فرمان چانڈیو اور فیضان چانڈیو کے نام سے ہوئی، وین ڈرائیور موقع سے فرار ہونے میں کامیاب ہوگیا جبکہ دونوں جاں بحق نوجوانوں کی لاشوں کو ہسپتال منتقل کردیا گیا۔
